ക്രൗഡ്
ഫോറസ്റ്റിങ്ങ്
മിയാവാക്കി മാതൃകാ വനവത്‌കരണം
ഹരിതാഭമായ ഭൂമിയ്‌ക്കായി കൂടുതല്‍ ഫലപ്രദമെന്ന്‌ തെളിയിച്ച മാതൃക
പൊതു പിന്തുണയോടെ കാലാവസ്ഥാ വ്യതിയാനത്തെ ചെറുക്കാനുളള വനവത്‌കരണം. പ്രഫ. (ഡോ.) അകിരാ മിയാവാക്കി വികസിപ്പിച്ചെടുത്ത മിയാവാക്കി മാതൃകാ വനവത്‌കരണമാണ്‌ ഞങ്ങള്‍ പിന്തുടരുന്നത്‌. എത്ര കുറഞ്ഞ സ്ഥലത്തും കാട്‌ വളര്‍ത്താനും ആ കാട്‌ നമ്മുടെ ജീവിതകാലത്തു തന്നെ പൂര്‍ണ വളര്‍ച്ചയെത്തിക്കാണാനും ഈ രീതി സഹായിക്കും. നഗരങ്ങളില്‍ ലഭ്യമാകുന്ന ഇത്തിരിയിടങ്ങളില്‍ പോലും പച്ചപ്പ്‌ തളിര്‍ക്കാനും അവ ഓരോ ആവാസവ്യവസ്ഥയായി രൂപപ്പെടാനും ക്രൗഡ് ഫോറസ്റ്റിങ്ങ് രീതി മികച്ച ഒരു മാതൃകയാണ്‌.
ഓണ്‍ലൈനായി പഠിക്കാം
ഫലപ്രദമായ ഒരു ഹരിതമാതൃക തിരയുകയാണോ നിങ്ങള്‍ ? സ്വന്തം പുരയിടത്തെ കാടാക്കി മാറ്റണോ ? കൃഷിയിടം ? സ്ഥാപനത്തിന്റെ ചുറ്റുവട്ടം ?
ഞങ്ങളുടെ ദ്വിതല ഓണ്‍ലൈന്‍ പരിശീലന പരിപാടിയുടെ ഭാഗമാകൂ. മിയാവാക്കി മാതൃകയെ കുറിച്ച് വ്യക്തമായ ധാരണ നല്‍കുന്ന 30 ചെറു വീഡിയോകള്‍ അടങ്ങിയതാണ്‌ ആദ്യത്തെ ഭാഗം. പണമടച്ച്‌ ഇവ ഒരു വര്‍ഷത്തേക്ക്‌ സ്വന്തമാക്കാം. മോഡ്യൂൾ ഇംഗ്ലിഷ്, മലയാളം ഭാഷകളിൽ ലഭ്യമാണ്.
മിയാവാക്കി-സാന്‍
പ്രശസ്‌തനായ ജാപ്പനീസ്‌ സസ്യശാസ്‌ത്രജ്ഞനാണ്‌ പ്രഫ. (ഡോ.) അകിരാ മിയാവാക്കി. പെട്ടെന്ന്‌ വളരുന്നതും ദീര്‍ഘകാലം അതിജീവിക്കുന്നതുമായ കാട്‌ സൃഷ്ടിക്കാനാകുമെന്ന്‌ പരീക്ഷണങ്ങളിലൂടെ അദ്ദേഹം കണ്ടെത്തി. തീരെ കുറഞ്ഞ സ്ഥലത്തുപോലും ആര്‍ക്കും ഒരു കാട്‌ സൃഷ്ടിക്കാനാവുമെന്നും അത്‌ പൂര്‍ണവളര്‍ച്ചയെത്തുന്നത്‌ നമ്മുടെ ജീവിതകാലത്തു തന്നെ കാണാനാവുമെന്നതുമാണ്‌ അദ്ദേഹം പരീക്ഷിച്ചു വിജയിപ്പിച്ച മാതൃകയുടെ സവിശേഷത.
കൂടുതല്‍ അറിയാംമിയാവാക്കി മാതൃക
crowdforesting.org ലൂടെ മിയാവാക്കി മാതൃകാ വനവത്‌കരണരീതിയുടെ ആറ്‌ അടിസ്ഥാന തത്വങ്ങള്‍ പിന്തുടര്‍ന്നു കൊണ്ട്‌ നിങ്ങളുടെ മുറ്റത്തുമൊരു കാടൊരുക്കാം. 10-15 വര്‍ഷങ്ങള്‍ക്കുളളില്‍ പൂര്‍ണ വളര്‍ച്ചയെത്തിയ ഒരു കാട്‌ രൂപം കൊളളും എന്നതാണ്‌ മിയാവാക്കി മാതൃകയുടെ ഏറ്റവും വലിയ നേട്ടം. ഇതുവഴി താത്‌പര്യമുളള ആര്‍ക്കും തങ്ങളുടെ പരിസരത്തൊരു കാട്‌ വളര്‍ത്തിയെടുക്കാനാവും.
കൂടുതല്‍ അറിയാം
സമകാലികം
ദി ഹിന്ദു ദിനപത്രത്തിൽ വന്ന ലേഖനത്തിനു മറുപടി
ദി ഹിന്ദു ദിനപത്രത്തിൽ മിയാവാക്കി മാതൃക വനവത്കരണത്തെ കുറിച്ച് നിഖിൽ ഈപ്പൻ എഴുതിയ ലേഖനത്തിനു മറുപടി
പുതിയ വിശേഷങ്ങൾ
ക്രൗഡ് ഫോറസ്റ്റിങ്ങിന്റെ ഏറ്റവും പുതിയ പ്രവർത്തനങ്ങളുടെ വിശേഷങ്ങൾ അറിയണ്ടേ ? പ്രശസ്തിയുടെ വെളളിവെളിച്ചത്തിൽ നിന്നകന്ന് നിശബ്ദരായി പ്രകൃതിയോടുളള തങ്ങളുടെ ദൗത്യം നിറവേറ്റുന്ന ഹരിത പോരാളികളെ പരിചയപ്പെടേണ്ടേ ? വനവത്കരണ മേഖലയിലെ പുതിയ പരീക്ഷണങ്ങളും പുത്തൻ ആശയങ്ങളും അറിയാൻ താത്പര്യമുണ്ടോ ? ഉണ്ടെങ്കിൽ അല്പസമയം ഈ വീഡിയോകൾ കാണാൻ മാറ്റി വെയ്ക്കൂ.
ഞങ്ങളുടെ ആദ്യ പദ്ധതി
ക്രൗഡ് ഫോറസ്റ്റിങ്ങ് രൂപം കൊണ്ടത്‌ ഇവിടെയാണ്‌
തിരുവനന്തപുരം ജില്ലയിലെ പുളിയറക്കോണത്തെ ഈ പാറ നിറഞ്ഞ കുന്ന്‌ ഒരു പരീക്ഷണശാലയായിരുന്നു എന്നു വേണമെങ്കില്‍ പറയാം. മിയാവാക്കി മാതൃകയ്‌ക്കു മുമ്പ്‌ ഒരു വ്യാഴവട്ടം ഇവിടെ പരീക്ഷിക്കാത്ത വനവത്കരണ രീതികളില്ല. പരീക്ഷണങ്ങള്‍ക്കൊടുവില്‍ പച്ച തൊട്ട മിയാവാക്കി മാതൃകയില്‍ നിന്ന്‌ പ്രചോദനം ഉള്‍ക്കൊണ്ട്‌ എം.ആര്‍. ഹരി ഈ സ്ഥലത്ത്‌ പുഷ്‌പഫലസസ്യങ്ങളുടെ കൂടുതല്‍ ചെറു മിയാവാക്കിത്തോട്ടങ്ങള്‍ വളര്‍ത്തിയെടുത്തു കൊണ്ടിരിക്കുന്നു. ജൈവ, സാംസ്‌കാരിക വൈവിദ്ധ്യങ്ങളുടെ സംരക്ഷണത്തെ പ്രോത്സാഹിപ്പിക്കുന്ന ഇന്‍വിസ്‌ മള്‍ട്ടിമീഡിയ എന്ന കമ്പനിയുടെ സി.ഇ.ഓ ആണ്‌ എം.ആര്‍ ഹരി. കുറഞ്ഞ ചെലവില്‍ പ്രകൃതിയോടിണങ്ങി നില്‍ക്കുന്ന ലളിതവും സുന്ദരവുമായൊരു വീടും ഇവിടെ പണിതീര്‍ത്തിട്ടുണ്ട്‌..
മിയാവാക്കി മാതൃക വനവത്‌കരണം എന്താണെന്ന്‌ പരിചയപ്പെടുത്താനും ഓരോരുത്തരെയും തങ്ങളുടെ വീട്ടുവളപ്പില്‍ ഒരു ചെറിയ കാടൊരുക്കാന്‍ പ്രോത്സാഹിപ്പിക്കാനുമായുളള ഒരു സംരംഭമാണ്‌ ക്രൗഡ് ഫോറസ്റ്റിങ്ങ്. ഡിജിറ്റല്‍ മീഡിയ സംരംഭകരായ ഇന്‍വിസിന്റെ ഒരു സിഎസ്‌ആര്‍ പദ്ധതി കൂടിയാണിത്‌. ഇന്‍വിസിന്റെ സഹകരണത്തോടെ സഹോദരസ്ഥാപനമായ കള്‍ച്ചര്‍
ഷോപ്പിയാണ്‌ മിയാവാക്കി വനവത്കരണ പ്രവര്‍ത്തനങ്ങള്‍ നടത്തുന്നത്‌. അന്യംനിന്നു പോകുന്ന സസ്യവര്‍ഗങ്ങളുടെ സംരക്ഷണാര്‍ത്ഥം കൂടിയാണ്‌ ഈ വനവത്കരണ പ്രവര്‍ത്തനങ്ങള്‍ നടത്തുന്നത്‌.
സ്വാഭാവിക വനവത്‌കരണത്തിലും പരിസ്ഥിതി, കൃഷി സംരക്ഷണത്തിലും മുപ്പതിലേറെ വര്‍ഷങ്ങളുടെ പ്രവര്‍ത്തനപരിചയമുളള എന്‍ജിഓ ആയ ഏജസ്‌ (അഗ്രികള്‍ച്ചര്‍ & ഇക്കോസിസ്‌റ്റം മാനേജ്‌മെന്റ്‌ ഗ്രൂപ്പ്‌) മായി ചേര്‍ന്നാണ്‌ ക്രൗഡ് ഫോറസ്റ്റിങ്ങ് പ്രവര്‍ത്തിക്കുന്നത്‌. മറ്റൊരു പരിസ്ഥിതി സംരക്ഷണ സംഘടനയായ നേച്ചേഴ്‌സ്‌ ഗ്രീന്‍ ഗാര്‍ഡിയന്‍സ്‌ ഫൗണ്ടേഷനും ക്രൗഡ്
ഫോറസ്റ്റിങ്ങിന്റെ ഭാഗമാണ്‌..
